隨着芝士撻嘅興起, 掀起咗一股芝士嘅熱潮唔知吹到你未呢?  但係, 一邊食芝士, 一邊又要諗住有幾多卡路里, 會唔會超標, 係咪好煩呢? 其實, 下面有個表大家可以參考吓:

原來芝士火鍋竟然係卡路里最低, 而巴馬臣芝士係最高!

卡路里排行榜:

第一位: 巴馬臣芝士

點解咁多人鍾意食?因為佢已經有成差唔多成千年歷史, 仲係由好多意大利嘅芝士之中精選出嚟嘅, 無論用嘅全天然牛奶都係有官方認可, 至可以成為 “巴馬臣芝士”。所以有人話食巴馬臣芝士先係最正宗嫁~而且, 佢嘅食法都有好多種, 主要係用喺意大利菜, 例如: 頭盤嘅沙律丶主菜嘅意大利飯等等。 但係大家一定要留意唔好食太多, 因為佢嘅卡路里同鹽分偏高嫁~

選呢隻芝士, 一定要有宮方logo至係真嘅~

第二位: 車打芝士

大家大多用車打芝士嚟配合美式嘅食物, 但係車打芝士係來自英國。因為英國人食嘢比較清淡啲, 所以製出嚟嘅芝士會比較細滑同鹽味比較淡啲, 好適合用嚟夾麵包, 好似三文治丶hamburger 等等。

第三位: Raclette 芝士

呢隻半溶狀嘅Raclette 芝士睇起嚟好好食咁, 但係其實幾邪惡嫁, 所以排第三位。我地都知道芝士火鍋係源自瑞士嘅, 而Raclette 芝士其實同芝士火鍋嘅原理幾相似, 所以都係來自瑞士。先用火熱咗塊芝士, 只係要表面嘅芝士, 再放到麵包度, 就係Raclette 芝士最傳統嘅做法啦~而熱過之後嘅芝士變成流質, 較易入口, 難怪咁受女士嘅歡迎啦~

第四位: 高達芝士

呢款芝士大家應該唔係食太多, 而外國人會喺前菜食得比較多。佢嘅特色係表面會有一層膠包住, 因為出產自荷蘭, 而荷蘭人可能會加入一啲堅果嚟製造, 所以會有少少果仁味, 好適合用喺前菜或者冷盤上。如果用雜菜湯配以佢嘅果香, 亦係絕配嘅組合~

第五位: 忌廉芝士

忌廉芝士係大家一定食得最多嘅, 因為好多甜品都會用到佢, 但係要記住佢嘅脂肪係咁多芝士中最高嫁。不過, 食太多對我地個心臟無太大影響, 皆因鈉唔算好高。~

嘩!酸甜嘅紅桑子醬再中間夾住香滑細緻嘅CREAM CHEESE, 一定係好多人心中嘅favourite~

第六位: 金文拔芝士

佢係源自法國嘅, 大家睇到佢係軟心芝士,因為入邊好似黃金色, 所以叫 “金文拔芝士”。 味道會比一般嘅芝士淡, 大家會多數用佢嚟配搭小食, 例如: 餅乾。

第七位: 水牛芝士

呢隻芝士大家一定聽過, 顧名思義就係用水牛嘅牛奶製出嚟, 因為源自意大利, 所以用喺意大利菜為主, 例如: 沙律丶意大利PIZZA…….

但係, 大家要留意佢嘅鹽份同脂肪都好高嫁~

第八位: 芝士火鍋 

大家一定以為芝士火鍋嘅卡路里係最高, 其實剛剛相反。因為正宗嘅瑞士芝士火鍋係用好多蔬菜同麵包放入芝士火鍋中, 從而降低卡路里。知道呢個消息嘅朋友可能已經即刻約埋三五知己一齊去食芝士火鍋~