熱愛日本嘅大家除咗去東京同大阪shopping同食嘢之外, 其實日本嘅靚景都有好多, 咁我就為大家推介吓去日本北部有咩靚景好睇啦!

1.  湖景

a.  摩周湖

摩周湖其實係喺北海道嘅湖之中最美嘅, 因為佢位於600米海拔, 所以會有一層層嘅薄霧包圍着, 為佢增添咗幾分神秘感。大家亦都唔洗太擔心, 因為唔係全年都係咁嘅情況。

睇吓湖面清澈到好似照緊鏡咁, 可以見到無污染嘅美畫~

即使出現咗霧都唔緊要, 因為只要唔係同伴侶一齊嚟會比較好啲, 因為傳說話睇到霧嘅情侶會分開。唔信命運嘅情侶可以去試一試, 睇下感情經唔經得起考驗呢!

大家有無發現中間有個小島, 其實係火山口嚟嫁。相傳有個婆婆等唔到自己嘅孫返嚟, 所以化為一個小島。

b.  支笏湖

佢同摩周湖唔同, 即使到咗冬季, 仍然都唔結冰, 呢個係佢嘅特色。另外, 佢仲係日本第二深嘅湖, 所以大家要小心唔好跌咗落去~

靛藍嘅湖水色同蔚藍嘅天空相映成趣, 每年吸引咗好多旅客到嚟欣賞吓呢個大自然嘅奇觀!

要欣賞咁如斯如畫嘅美景, 大家可以泛”鴨仔”(即係艇仔)或者獨木舟。

另外, 大家仲可以行吓 “苔之明門”, 因為支笏湖有超過20多種唔同嘅苔蘚類植物, 鍾意研究植物多樣性嘅朋友一定會愛上呢度!

而每年嘅1月至2月都係冰濤祭, 周圍會有好多冰雕丶滑梯, 甚至超大嘅冰牆, 真係好壯觀!

晚上, 佢地會開咗唔同嘅燈光, 令到每個冰雕都好似着唔同顏色嘅衫, 好colorful wo~

禮拜六同日逢18:30會放煙花, 大家記得準時去睇呀~

2.   動物景: 旭川市旭山動物園

有好多人話旭山動物園都係睇動物啫, 有咩咁值得去睇呀?

見到咁得意嘅佢地, 你地應該有其他諗法。無錯啦!好多遊客遠道而嚟都係為咗睇佢地, 就係皇帝企鵝。點解叫皇帝企鵝?皆因佢地高到成120CM, 真係好可愛活潑嫁!

佢地冒冒失失咁向前行, 又唔怕人, 自由自在咁散步, 好有皇帝出巡嘅感覺, 但係大家可以同 “皇帝”有近距離接觸, 係咪好值回票價呢! 另外, 大家仲可以喺海底隊道度睇下佢地游水嘅美態嫁~仲有WO, 大家仲有機會可以親身餵佢地食嘢嫁!

溫馨提示: 企鵝巡遊大約喺每年12月中至3月中, 每日大約2次。

可愛嘅動物當然會陸續有嚟啦, 佢就係白熊啦, 唔好見佢咁大隻, 其實佢好有運動細胞嫁, 能夠跳水丶遊水, 凡凡皆能嫁。

溫馨提示: 我地都有機會可以親身餵佢地食嘢嫁

3.  花景

a.  向日葵之里

每年嘅7月尾至8月頭, 好多人因為盛開嘅太腸花而去向日葵之里打卡。仲有一個原因就係可以同一時間見到唔同品種嘅向日葵。

呢度有成100萬棵以上嘅向日葵, 徒步行全區可能會有點攰, 大家可以搭遊園車, 會比較省力。

大家仲可以去吓暸望台睇吓咁生氣勃勃嘅向日葵治癒一下。

除咗向日葵之外, 大家仲可以去探吓鴨仔同鴕鳥嫁!

b.  羊蹄山

大家唔好認錯! 佢唔係富士山, 而係羊蹄山, 係一個活火山嚟嫁, 外型同富士山有9成相似, 難怪大家認錯佢係富士山。不過, 同富士山一樣, 都有好多花同植物生長嫁

而去到羊蹄山, 一定要試能夠直接飲用嘅天然山泉水, 由山林中流落嚟, 好似甘泉嘅味道, 難怪個個嚟呢度嘅遊客都要載一啲返去!

如果大家中午時上羊蹄山, 落山時就可以見到夕陽無限好。

如果大家黃昏時上羊蹄山, 晚上亦都可以見到繁星閃閃, 又浪漫又美麗~

4.  山景: 昭和新山

愛探險嘅朋友不妨去吓呢個地質國家公園, 昭和新山, 地勢幾峭斜, 所以要纜車至可以上到去。

上到去之後, 要行一段距離至可到達有珠火山口瞭望台。

上到去之後, 會親身見識到火山口嘅奇觀。

5.  全景: 五稜郭公園

五稜郭公園係日本百大名城之一, 亦係充滿着歷史嘅色彩。建築設計嘅概念係源自歐洲16世紀戰亂時嘅城保設計, 係見證著日本文化嘅歷史據地。

而五稜郭塔可以睇到全個函館的地貌,, 甚至遠至津輕海峽。

白雪覆蓋着嘅五稜郭公園固然淒美動人

但係到咗晚上亮着燈嘅五稜郭公園同城市中嘅點點燈火, 又有另一番淒美, 呢個就係傳聞中嘅 “五稜星之夢”, 有無夢幻FEEL呢?

溫馨提示: 每年嘅12月到2月底至有“五稜星之夢”嫁~