大家去日本, 大多係東京為主, 但係其實京都有好多好地方嫁, 可以參拜之餘, 仲可以睇景嫁, 事不宜遲,宜家就為大家介紹一啲熱門嘅推介啦~

1.  金閣寺

去到京都, 如何未到過金閣寺, 點算嚟過京都呀?  佢係為咗紀念去世嘅天皇而建立嘅。全個建築物都係金色嚟嘅, 表示對天皇嘅尊重, 再加上其實係貴族時期嘅建築物嚟嫁。金閣寺最大嘅特色就係有三層建築, 但係每層嘅風格都唔一樣嫁: 第一層係貴族風丶第二層係武士風, 而第三層係仿唐嘅佛教風。咁樣睇嘅金閣寺好似起喺湖上面, 金碧輝煌。

到咗冬天嗰陣, 周圍都結哂冰, 雪地茫茫咁, 又有另一番淒美感~

2.  伏見稻荷大社

佢係京都紅色嘅神社, 象徵著可以驅魔。而去嗰度嘅參拜者大多都係希望祈求生意順利。每年都有好多海外遊客去伏見稻荷大社參拜, 因為嗰度嘅鳥居都係同神社一樣紅色嘅, 好特別嫁~

而參拜嘅方式係行道路嘅兩旁, 因為中間係神明行嘅道路。另一方面, 因為相傳狐狸係神明嘅使者, 所以去到伏見稻荷大社會發現好多狐狸嘅雕像嫁。

喺伏見稻荷大社附近仲有個東丸神社, 將應考嘅朋友仔可以去嗰度祈求考試順利同合格, 大家不妨去試一試~

3.  清水寺

清水寺係日本最有歷史文化嘅寺院, 而且, 佢同時間仲係一個景點, 皆因佢係沿著山而建成, 所以附近被很多植物包圍著, 到咗四季有唔同嘅景色: 春夏天嘅櫻花丶秋天嘅楓葉丶冬天嘅白雪等等…….

不過, 清水寺最大嘅特色係清水舞台, 全個建築竟然只係用咗古老嘅樹幹建成, 巧奪天工。參拜嘅方式係雙手合緊再祈求, 跟住用槌打一下鐘就可以~

三重塔幾高祟莊嚴!

溫馨提示: 如果晚上去清水寺, 附近嘅植物會有燈著咗, 同日間完全唔同, 有少少神秘嘅感覺。 另外, 最近嘅清水舞台維修緊, 大概3-4年至完工, 所以要幾年後至可以見到佢嘅新面目啦~

4.  貴船神社

要追求戀愛嘅朋友, 可以去拜會下水神, 貴船神社。原因係因為有好多連生樹生長喺貴船神社, 所以造就咗唔少嘅姻緣, 亦成為著名嘅結婚場地。因此, 未結婚嘅單身族可以到嗰度可以透過水符去占卜戀愛嘅狀況嫁~

同伴侶一齊走過呢條冬日戀歌嘅雪路, 而旁邊仲點起了燈光, 真係好溫暖呢!

因為貴船神社位於河嘅上遊, 所以山水特別清甜, 所以流水麵亦都成為咗去到貴船神社必食嘅環節。夏天時, 食住由竹管流落嚟涼涼嘅流水麵, 涼透心頭!

5.  嵐山

體會山河嘅靚景又點止咁少呀! 嵐山就係其中之一。嵐山原本係貴族住嘅地方, 所以附近嘅景色一定特別迷人。

當中最著名嘅景點就係竹林, 平時我地大多被高樓包圍著, 竹木應該少一啲。穿越呢個竹林, 真係好有電影 “十面埋伏” 嘅感覺。不過, 睇著咁綠油油嘅植物, 心情都被治癒啦～

另外，如果大家想休息下，可以搭下小火車，因為佢會經過好多山林湖泊嘅景色，大家可以打卡同影相留念嫁！

又或者可以坐吓人力車去竹林或者過渡月橋，遊覽京都嘅景色。

不得不提嘅就係天龍寺，　其實係紀念過世嘅天皇，喺天龍寺附近嘅湖江山色都係美艷絕倫。

溫馨提示：　嵐山嘅８月會有水燈節，主要係祈求仙人去極樂。而到咗１２月就會有花燈路，花燈上嘅圖案係由日本文化嘅圖案構成，　大家不妨去睇下！