要數到世界著名嘅陽光與海灘, 沙巴係佔據著首幾位名列,因為佢仍然保留咗原有嘅自然生態, 所有今次我地將會介紹沙巴不能不去嘅景點, 又可趁機輕鬆一下, 令自己嘅身心都得到休息。

第1日: 手工藝市場>>>菲律賓市場

雖然沙巴嘅手工藝唔算太出名, 但係原來手工都好精湛嘅。只要嚟到手工藝市場, 就會發現原來沙巴有好多人手做嘅工藝品, 例如:服裝丶樂器, 甚至一啲小飾物, 設計簡單, 但可以睇得出所花嘅功夫。而且, 嚟到手工藝市場, 會發現有即場縫嘅衫嫁~

呢個吉他, 可見到當地文化嘅特色, 不妨買番去做裝飾都可。

跟著我地可以去吓菲律賓市場, 嗰度其實有白天市場同夜市, 而夜市係下晝4點鐘先開始。白天市場其實同我地平時的菜市場無太大分別, 有魚檔丶乾貨檔等等……

可能近海, 所有海產比較豐富, 所以有海味店嘅出現。嘩, 幾多品種!

到咗夜市, 當然有當地馳名嘅炭燒海鮮BBQ, 例如: 有龍蝦丶魚丶章魚等等…….另外, 都有啲熟食類啦~食得BBQ太多, 可以飲下椰青或者果汁解渴。唔太鍾意飲果汁嘅朋友, 可以食下當地嘅特產水果: 蛇皮果丶紅毛丹……

第2日: 富源茶餐廳>>>Weston濕地

朝早可以去試下當地嘅傳統茶餐廳, 富源茶餐廳。有咩咁吸引一定要去呀? 富源茶餐廳最出名嘅就係咖央牛油多, 熱烘烘嘅多士, 輕輕咁塗上薄薄嘅鮮牛油, 再配以馬來嘅椰子咖央醬, 鹹中帶甜, 滋味無窮。

而飲品方面, 唔少得嘅就係香濃嘅煉奶由高空拉落嚟嘅細滑拉茶。甜味可能會比普通嘅奶茶略甜咗啲, 但係尋晚勞動咗咁多體力, 不妨補充下啦!

去到沙巴三大濕地之一嘅Weston濕地, 係咪好美呢?

我地會先入去原居民嘅水上屋度, 參觀一吓佢地嘅建築設計, 甚至體驗吓佢地嘅生活文化, 能夠對Weston有初步嘅認識。

然後我地會塔船去勇闖沙巴嘅濕地, 沿途我地會見到好多水生動物, 例如: 鱷魚、蜥蜴等等。不過, 今次我地嘅目地係長鼻猿。佢因為宜家愈來愈少, 所以已經列為受保護嘅動物。喺探長鼻猿時要盡量保持安靜, 因為佢有啲怕人。

回程嘅途中, 仲可以睇到好美嘅日落~

到咗晚上, 仲有機會見到咁靚嘅螢火蟲同星空添~

第3日: 沙巴島

我地終於去陽光與海灘嘅地方, 就係沙巴島啦~去到沙巴島, 發現啲水可以清澈到見到水底生物, 咁靚嘅沙灘, 真係要影多幾幅靚相先得~

大家可以玩吓香蕉船丶降落傘丶水上電單車丶浮潛或者深潛都可以嫁

不過, 如果唔識得游水嘅朋友, 都可以去吓平台附近嘅海底隊道, 親親海洋! 又或者去釣吓魚嫁!

嚟到沙巴島, 海產咁多, 一定要食吓BBQ, 因為好鮮甜又便宜, 大家仲可以飲下肉骨茶嫁!

第4日: 食特色河粉>>>買手信

想依馬來西亞嘅喇沙河粉?可以去馮業茶室, 嗰度啲喇沙河粉幾好食~

喇沙唔算太濃, 但配合當地馳名嘅海鮮同酸酸嘅青檸汁, 帶俾滑溜溜嘅河粉好清新嘅感覺, 令人食指大動, 想再食多一碗!

食得辣嘅朋友可以試下當地嘅辣豆腐, 好有豆香味~

最後, 我地可以去吓Imago Shopping Mall 度買手信, 例如: 肉骨茶丶方便麵, 甚至沙巴茶或者咖啡, 因為喺Imago Shopping Mall手信比較多啲, 大家可以去行下。