Wow, 宜家未到盛夏, 溫度已經係20幾度, 如果真係到咗真正夏天, 大家有無想去消暑, 今次我地就出發去台灣啦。

1.  鹿野

佢係宜家台灣熱門玩熱氣球嘅地方, 但係玩嘅時間只有早上或者傍晚時分。其實, 鹿野係位於成300幾海拔嫁, 所以如果我地坐喺熱氣球上, 可以一邊吹著涼涼嘅山風, 一邊欣賞住咁靚嘅台北全貌, 真係好寫意~

而喺6月至8月會有滑草活動, 由高峭嘅山坡上面衝落去, 迎面一陣陣嘅山風吹過嚟, 真係又快又刺激, 涼透心頭。

唔想太刺激嘅朋友, 可以去新良濕地或者行下小徑, 因為有樹蔭嘅遮擋, 所以可以避免陽光直射我地。

行到攰嘅朋友, 可以去食下水果冰, 一口咬落去, 為大家消咗唔少暑熱。

如果唔太鍾意飲凍飲嘅朋友, 都可以去茶莊歎下一柸當地嘅茶葉-福鹿茶, 係由高斜嘅地勢同泥土培植而成, 入口香滑甘甜嫁~

2.  福隆海水浴場

呢條橋叫做彩虹橋,穿過佢就可以睇到沙灘啦~

睇到呢個咁美嘅沙灘, 又點會吸引唔到你嚟呢度游水呢?水清沙幼, 一望無際, 真係消暑嘅好地方! 

但係, 淨係游水, 難免有啲DRY。其實, 除咗游水之外, 大家仲可以玩風帆丶獨木舟, 甚至滑浪。仲有其實, 佢已經被稱為台灣嘅“黃金海岸”啦, 快啲去打吓卡啦~

係咪好宏偉呢? 唔知花咗幾多時間至可砌到呢個宮殿呢! 想睇到呢個奇觀, 大家可以喺5-7月嚟到, 因為嗰時有個沙雕節, 大家可以嚟湊下熱鬧~

溫馨提示: 喺7-8月仲有音樂節, 好似嘉年華咁人山人海~

雖然鍾意同陽光玩遊戲, 但熱得厲害嘅情況下, 大家可以試下當地嘅甜品大菜糕冰, 係由海藻製成, 有益又降溫, 大家不妨試下。

3.   旗津海水浴場

想搵一啲特別嘅沙漠消下暑, 非旗津海水浴場莫屬啦!

想知點解? 留意吓沙漠啲沙就會明白嫁。佢係黑沙嚟嘅, 係咪好特別呢?

旗津海水浴場除咗可以游水丶衝浪之外, 仲可以玩埋降落傘添! 而且, 佢嗰度風力仲大到可以玩風箏嫁~

唔想太多戶外嘅活動, 可以去吓附近嘅海岸公園參觀吓。又或者沿著海岸線行下, 吹下海風, 人都精神啲嫁!

到了接近晚上, 可以睇到咁靚嘅彩雲, 幾浪漫~

4.  澎湖

Wow! 個島形咁特別嘅, 佢就係澎湖, 係一個離島嚟嫁, 好似俾全個海洋環抱著, 好自在嘅感覺呀! 而講到澎湖最熱門嘅水上活動, 一定係海底漫步啦。

大家可以喺海底同唔同種類嘅海洋生物SAY HELLO, 係一個接觸大自然同埋學習吓習慣水性嘅好機會, 因為即使唔識游水, 都可以玩嫁~

其實, 如果有時間嘅話, 可以去吓附近嘅東吉嶼, 嗰度有個又高又靚嘅燈塔, 仲係成個島最高嘅地方, 如果由個燈塔望落去, 唔知大家到時會唔會有高居臨下嘅感覺呢?

佢地喺度做緊咩呀? 其實係Chok 緊墨魚, 好多外國遊客都係想試下自己親手Chok吓

咁肥美嘅墨魚唔知可以分幾多餐? 除咗墨魚之外, 大家仲可以釣蠔仔嫁!

5.  翡翠灣

呢度唔係台灣咩, 點解好似去咗愛琴海咁嘅?呢度其實係翡翠灣嚟。白色嘅建築設計襯托住咁美嘅長形海灣, 什麼煩熱嘅感覺都一掃而空~喺翡翠灣, 我地可以玩吓一啲刺激嘅水上活動, 例如: 水上單車丶滑浪丶香蕉船丶踏艇仔……

而小朋友可以去玩兒童泳池, 嗰度有水上滑梯, 可以一家人去衝下先啦~

6.  蘭嶼

到咗仙境咁wo! 無受到污染嘅海島原來係咁美嫁~

綠油油嘅草被, 連山羊都被吸引住, 蜂擁而上呢!

咁美嘅海灣, 海底下面一定更美, 大家不妨去浮潛下, 試下海洋歷險記, 睇下大家遇到咩海洋生物?

到咗晚上, 我地可以探訪吓嗰度啲貓頭鷹, 好kawaii呀~

我地仲可以見到受保護嘅巨型大蟹, 椰子蟹。

7.  石門嘅白沙灣

同翡翠灣一樣, 我地都可以玩水上活動, 例如: 降落傘丶滑浪等等……

白沙灣其實仲有一個探索館, 俾人更加暸降嗰度嘅生態環境。

另外, 喺白沙灣仲可以沿著湖步道行去神秘湖, 沿途兩旁有樹蔭遮著, 好涼快嘅感覺~

8.  日月潭

日月潭係全世界最美踏單車嘅地方之一, 一路踏住單車, 一路欣賞住台灣嘅兩大湖畔, 好有治癒feel~而迎面吹嚟陣陣涼風, 真係好舒服呀~

如果大家唔想太操勞, 可以考慮下搭纜車, 欣賞湖江山色嫁~

9.  阿里山

阿里山嘅日出已經係馳名中外, 一望無際, 好似入咗仙景, 令人目不暇給。

其實到咗晚上, 仲可以睇星星, 咁美嘅星空, 快啲同你啲閨密一齊欣賞啦~

想要再夢幻嘅感覺, 可以喺4-6月嚟呢度, 因為悉逢螢火蟲季, 大家有機會親眼目睹成20幾種嘅螢火蟲。

如果有時間嘅話, 大家仲可以睇下歷史悠久嘅千年樹木, 係阿里山嘅海拔至能生長出咁壯觀嘅樹木。

10.  東北角龍洞

喺呢度大家可以玩吓浮潛, 摸下海入面嘅魚仔。

而呢度最大嘅特色係用咗天然嘅海水做泳池, 大家不妨去游下~