就嚟放暑假囉! 大家有無計劃吓去邊度旅行呢? 不如去吓泰國啦, 但咁熱有咩好去呀? 嚟到泰國, 少不了嘅一定係美食啦, 但係有咁多, 去邊度好呀? 好啦!咁我就為大家介紹吓10間令大家食完再想食嘅餐廳啦:

第10位: 阿婆泰菜(=Supanniga Eating Room)

講起泰菜, 一定同咖哩有關。無錯啦, 呢度啲咖哩係帶甜味嘅, 所以唔會太辣, 最出名嘅就係香辣咖哩豬肉同埋咖哩蟹肉, 大家不妨試吓。招牌菜又點止1-2種, 仲有泰式魚醬辣炒椰菜丶海鮮炒米粉等等, 近年仲受到米芝蓮大力推介嫁!  而唔太飲得酒嘅朋友仔, 可以試吓呢度啲無酒精嘅cocktail。

第9位: Steve Cafe & Cuisine

呢間餐廳最特別嘅地方就係一間河伴餐廳, 除咗能夠欣賞到自然美麗嘅泰國風景之外, 仲係一間無束縛嘅餐廳。點解咁講?因為呢度個老闆愛自由, 所以入嚟嘅客人都可以唔著鞋就咁用膳。而最出名嘅菜式就係蓮藕伴沙律丶 咖哩風乾牛肉等等……但係不得不提嘅就係泰式辣醬點青芒果, 清新嘅芒果再配搭泰式辣醬, 味道層次分明, 帶俾大家夏日嘅感覺。

第8位: 皇家料理 (=Thanying Royal Cuisine)

“皇家料理”嘅意思係Sulabh 公主嘅兒子開嘅餐廳, 全間餐廳採用原木嘅設計, 令人有如置身喺大自然嘅舒適感覺。而店內最出名嘅料理係鹹蛋黃蟹餅同埋椰子雪糕, 雖然有啲邪惡, 但係你去到一定會點嘅。

第7位: Saffron Restaurant (Banyan Tree Hotel)

呢間餐廳其實位於沙吞路悅榕莊酒店嘅52層上, 所以可以能夠飽覽由高空望落嚟泰國景貌。去到呢間餐廳, 大家會有一個傳統嘅式習俗就係用花水洗手。雖然餐廳嘅風景好美麗, 但係都要有美食至可, 所以為大家介紹嘅就係泰式酸辣湯, 辣味唔算太大。如果唔太接受到酸辣湯嘅朋友, 可以試吓香濃嘅泰式椰香雞湯, 仲有惹味嘅沙嗲雞肉丶鮮蝦伴脆炸麵條丶甘香脆炸鱸魚等等。覺得太熱氣嘅朋友都可以食吓橙香三文魚沙拉, 又清新又可以中和熱氣嘅食物嫁~

第6位: Long Table (Sukhumvit)

如果想體驗一吓都市嘅現代化設計, 就一定要嚟到Long Table, 佢係一個酒巴嘅設計, 採用咗紅色嘅燈光效果, 俾人一種華麗但現代化嘅感覺。而餐廳嘅首本名菜就係青檸汁老虎蝦天婦羅配酸甜醬。另外, 濃郁嘅海鮮湯係由蝦丶魷魚丶蟹肉同埋三文魚餚製而成, 而湯嘅辣度仲可以自己選擇。此外, 仲有其他菜式, 例如: 香煎羊肉伴木瓜沙律丶三文魚香芒沙律等等…….

第5位: Baan Home Cuisine (Lumpini Park)

呢間餐廳係採用天然嘅無添加同無激素嘅食材, 例如: 牛丶蛋等等, 令我地可以食得安心。而餐廳最出名嘅菜式係青咖哩紅燒牛肉米粉丶椰奶沾麵包粒……..

第4位: Nahm Restaurant (Metropolitan Hotel)

想同閨密一齊食飯之餘, 仲聊下心事, 呢間餐廳最適合不過, 因為餐廳嘅餐桌之間都有屏風嘅間隔設計。講起泰國, 一定要嗜吓當地嘅海鮮, 而Nahm Restaurant 最出名嘅就係青口BBQ丶巨蟹冬蔭功湯丶海鮮大蝦沙律, 海鮮嘅鮮甜味, 宜家諗番起都想再食。仲有WO, 有一味一定要試嘅就係泰式辣田雞腿, 火力均勻, 咁惹味嘅菜式, 如果有碗白飯, 更加樂在其中。食完咁好食嘅主菜, 少不了當係甜品, 佢地將會主打椰奶水果冰同埋經典嘅泰菜芒果糯米, 大家一定要試吓啦!

第3位: Sala Rim Naam (Mandarin Oriental)

佢喺坐落於曼谷嘅文華東方酒店裡面嘅, 因為鄰近有河, 所有吸引到好多情侶嚟嫁。而餐廳最特別嘅地方就係定期有傳統嘅演出, 例如: 音樂丶舞蹈……而嚟餐廳仲可以望到一啲泰國舊有嘅建築物, 譬如: 外國大使館丶舊海關總部等等。點解餐廳咁受大家歡迎?因為佢嘅咖哩菜式多達10種以上, 仲有熱賣嘅雞絲蝦肉伴香蕉花沙律同椰香蘑菇雞湯。

第2位: Bo Lan Restaurant

呢間餐廳已經係享譽國際, 因為已經連續幾年攞咗TOP 50名BEST RESTAURANT, 主要係佢用咗天然嘅農耕食材, 仲花了2個鍾頭, 即叫即製嘅煮法。招牌菜有清蒸三文魚伴蒔蘿丶傳統泰式肉碎魚露沙律………

第1位: Issaya Siamese Club Restaurant

佢用咗花園式嘅設計, 藍色作為建築底色, 製造咗一種既舒適又優雅嘅感覺。而嘢食方面當場有人氣嘅金黃軟殼蟹丶椰香奶凍…….