大家都想修身, 但係如果能夠瘦得清秀又健康, 你話幾好呢! 日日運動身體好, 但係又有幾多朋友有時間做呀? 咁只能夠由 “食” 方面入手, 但唔係指唔食嘢去減肥, 否則嘅話, 喺你變成美女之前就已經餓到暈咗啦。其實, 今次要介紹係4種最近好流行嘅減肥食物, 點解咁流行?

1.   亞麻籽油

成日聽到人講亞麻籽油, 但係點樣可以瘦身呀?  其實, 呢隻油有好多Omega-3, 而Omega-3含有脂粉酸, 可以定期刺激腸蠕動, 幫我地清咗腸入邊好多廢物, 正所謂 “排清毒素身體好”。而且, 亞麻籽油係油質, 所以可以增加飽肚。另外, 佢嘅Omega-3 亦都可以濕潤我地嘅皮膚, 由肌層改善皮膚, 唔洗再用咁多保濕產品啦!小朋友食咗後, 腦部嘅血糖會多咗, 加強腦部嘅發展。亞麻籽油有好多種食法嫁:

亞麻籽油蒜容香草多士可以當早餐咁食

另外, 亦都可以當作沙律油咁用

2.  三文魚

大家一定知道三文魚嘅好處, 好似Omega-3, 低卡路里, 高蛋白質咁。好多sis 都食佢嚟減磅, 但係最近有新聞話三文魚有寄生蟲, 所以唔好食太多。其實, 有個方法, 就係將佢放喺20度以下冷藏7日, 寄生蟲就會死啦! 而且, 三文魚有Vitamin D同鈣質, 可抗氧化同埋抗衰老嫁!

呢道蒸三文魚伴以鮮茹, 係營養師推介嘅最減肥方法。

而呢道三文魚三文治簡單咁保留咗原有三文魚嘅鮮甜, 用了好多唔同嘅蔬菜, 真係減肥之選~

3.  牛油果

近年嚟興食牛油果, 主要係因為佢係低糖粉同埋澱粉, 係減肥嘅不二之選。但係, 大家千萬唔好食得太多, 其實每日只需3/4個就可以。牛油果仲可以增加多啲好膽固醇, 護心功效一流。

其實原來牛油果嘅果籽好有益嫁, 皆因佢有好多纖維, 可以保持我地腸道健康, 又可幫助血液循環。呢柸牛油果果籽茶, 不妨試下啦!

另外, 只需要將牛油果加入鮮奶, 就可能製成牛油果奶昔, 咁熱嘅天氣下真係消暑健康修身飲品

4.   羽衣甘藍

羽衣甘藍除咗同牛油果一樣有好多纖維之外, 仲可以促進肝排毒, 預防癌症之餘, 又可修身嫁! 另一方面, 佢有超多嘅Vitamin C, 可以幫皮膚阻擋紫外光, 保持白滑嘅膚色。而佢仲有豐富嘅鉀質, 降低我地嘅血壓之餘, 仲可去水腫。其實, 羽衣甘藍可以用嚟製餃子丶意粉嫁。

呢道羽衣甘藍豬肉餃真係好好食~