神技自然妝容小貼士分享

Posted by amylee_admin 2018-04-20 0 Comment(s)

化妝有人會覺得好麻煩, 唔想去學, 但其實只要有呢啲貼士, 想化一個靚妝, 都唔會太困難:

貼士1: 不同面形, 畫唔同嘅眼線

眼線可以俾人一種精神奕奕嘅感覺, 有時我地趕著化妝, 只化眼妝, 都可以出到街。但係, 原來面形唔同, 化嘅眼線都唔同。

圓嘅面形會比較適合弧度帶圓眼線

面形比較橢圓或者比較V形面, 韓式長眼線會比較適合

棕色嘅眼線會比黑色更自然嘅妝感, 當然眉色都要同眼線一致, 都係同一顏色, 咁就最自然。仲有bo, 棕色嘅眼線仲可以有放大眼睛嘅作用。

**溫馨提示:

雙眼皮嘅女仔就唔好畫粗嘅眼線, 唔係嘅話, 會化到對眼好唔自然嫁!

眼妝最易溶, 咁點算呀? 大家可以喺上妝之前, 用冰敷下眼皮, 同埋喺眼嘅出油位用棉花棒吸咗啲油, 咁啲妝會無咁快溶。

其實用眼線筆掟係眼線液比較好啲? 如果你係第一次畫眼線, 會建議用眼線液比起筆容易啲, 但係會比較易溶,而大多數Model 都係用眼線筆。

化妝要有亮點(=重點), 即係主要係眼? 唇?? 如果那位置係重點, 其他部分可以用淡妝來襯托, 唔係嘅話, 成個妝都會超濃。如果裸色唇色會令到輪廓更加立體, 個樣都會年輕D。

溫馨提示:

唇色要同腮紅同一色系, 會有一致嘅感覺。

大家可以根據你自己皮膚嘅膚色, 用適合嘅腮紅, 譬如: 膚色係偏白, 可以試下用橙色嘅腮紅;而膚色偏黃, 可以用粉紅色, 咁會做出到白裡透紅嘅feel~

用手嚟推開BB Cream或者用手搽唇彩, 都可以確保唔會用得過多嘅化妝品。而且, 仲有一個好處就係唔洗洗化妝掃或者化妝綿啦!

Forgot your Password? Enter your Email Address here to receive a link to change password.
Email

Twitter 電郵ID