去日本?應該都係shopping , 又或者食吓嘢?有無唸一啲特別嘅體驗? 文化之旅? 大家可能被個名嚇到窒咗, 但係其實唔係大家想像中悶:

1. 奈良

講起奈良, 之前曾經被叫做 “東方羅馬”, 因為係東方嘅絲綢之路終點。 而佢最出名嘅景點就係東大寺。 點解?因為佢有三大特色, 包括: 最大嘅門, 最大嘅室內佛像同佛殿。

鹿仔走嚟走去, 好似唔驚人咁, 好鬼得意!

不過, 想睇更多鹿, 可以去奈良公園.嗰度啲鹿仔仲好親人, 大家可以餵佢地

埋影好多selfie嫁!

法隆寺亦都係奈良另一個文化遺產, 大家好似去咗飛鳥年代, 能夠有機會到訪太子住嘅屋, 旁邊有好多雕像, 佛像等等。 不過, 五重塔係必到嘅景點, 鍾意建築設計嘅朋友一定會大開眼介!

咁高祟宏偉又精緻嘅設計, 真係好考功夫!

2.  京都

以前嘅京都又叫做平安京, 而行過嗰度條路, 都會被嗰度啲古樸清雅風治癒

文青嘅你一定會去清水寺, 因為好多文學作品都有提到嫁, 例如: 《源氏物語》, 而佢最大嘅特色係參照咗隋唐盛世嘅洛陽同長安設計。

到咗夜晚,又係另一番耐人尋味嘅景像

另一個景點係京都御所, 即係天皇住嘅地方, 其實仿造平安時期再建。

3.  大阪

去過大阪, 未去過姬路城等於未去過大阪。 因為姬路城係全日本三大名城之一, 由於佢嘅外型好似白雀, 所以又名白鷺城。 而佢最難得嘅就係仲保留著剛剛建時嗰樣, 連電影 “最後的武士”都係喺度攞景拍嫁, 真係好值得打卡! 仲有wo, 大家可以試吓著古服, 做吓忍者, 又或者可以學吓做日式甜品同睇酒坊。

4.  日光

有時會唔會覺得好多事情都唔太順利? 想唔想改變吓命運? 可以去吓能量神社- 日光神社, 其實係德川家康嘅靈廟。而建東照宮嘅手工可以墈稱全國級嫁。 大家有無發現陽明門嘅唐門有好多好精美嘅雕琢藝術呢?

溫馨提示: 大家可以去買一啲升power嘅飾物!

5.  青森

點樣可以搵到一啲日本無人工化嘅山地, 大家可以到訪吓白神山地, 嗰度有條散步路幾迂迴, 但係可以享受到最自然嘅山林氣色, 值得一行嘅!

再行入啲, 就見到暗門瀑布, 聽著咁澎湃流水聲, 人都精神啲!

另外, 仲有一個叫十二湖嘅景點, 由33個小湖選出最靚嗰12個組成, 而最受歡迎嘅就係青池啦!

6.  鹿兒島

如果覺得白神山地唔夠喉之外, 大家可以去吓屋久島, 因為有好多屋久杉, 有超過咗1000年嘅榭齡。 而嗰度白谷雲水峽, 聽聞係動畫＜幽靈公主＞嘅靈感來源添!

大家可能喺行緊火車路同小谷橋嘅途中撞到鹿仔同你Say Hello!

溫馨提示: 大家最好帶備遮, 因為全年落雨。

7.  廣島

廣島因為二戰時被美國投咗原子彈, 宜家仲保留緊喺和平紀念公園, 仲設有紀念碑同資料館俾大家回顧。 而每年嘅8月6日都有儀式喺附近舉行, 放小燈籠悼念死難者, 有好多遊客專成嚟到睇呢個儀式~

另外, 其實廣島都有好多神社, 但最特別一定係嚴島神社, 因為佢係建喺海上, 所以要搭船至至可到. 最神奇嘅係潮漲同潮退時見到嘅神社竟然有唔同嘅景, 再襯住中日Crossover嘅建築物, 又有另一番別緻嘅韻味!