大家係咪去城市shopping 多呢?日本真係有好多靚景睇嫁, 不過大家又知唔知道唔同時節會有不一樣嘅嘢? 宜家為大家介紹吓:

春

吉野山

提到春天, 不得不提就係櫻花啦!嗰度係日本嘅文化遺產, 呢度啲櫻花有成百種嫁, 大多係山櫻為主, 同埋佢地有成400幾公尺嫁, 係奈良嘅主要櫻花。

溫馨提示: 喺吉水神社嘅展望台望落下去, 仲靚添~大家仲可以試吓當地嘅櫻花甜品, 例如: 艾草柏餅, 櫻花果凍, 櫻花 霜雪糕添.  不過, 如果大家錯過咗櫻花季, 都唔洗太灰心.因為喺秋天, 都有紅葉睇, 唔同顏色程度嘅楓葉, 真係令人心擴神怡!

夏

1.  美瑛

美瑛其實係富良野嘅一部分, 大家可以搭列車Norokko號去, 之前電影薰衣草都係喺度拍啲, 色彩繽紛嘅薰衣草, 充滿著活力。平日遇到嘅煩惱一洗而掉, 仲有薰衣草有放鬆心情嘅作用 :)嫁!

美瑛仲有另一個靚景, 就係向日葵啦。 大家可以去ZERUBU之丘睇吓欣欣向榮嘅向日葵, 仲可騎四腳車睇吓沿途風景同埋試食吓當地嘅農作物。

2.  大藏村

想體驗吓農作嘅朋友, 可以去喺秋田嘅大藏村, 而最出名嘅莫過於四村梯田, 係日本100選嘅梯田之一。

喺夏天仲會有成千隻螢火蟲助興, 梯田會睇落好似自己悉發光咁, 舉行緊螢火會~

除咗睇梯田外, 其實到咗冬天, 都有雪睇嫁。其實, 大藏村嘅降雪量比較高, 所以最近仲用嚟砌咗喺山形縣, 是全縣最大嘅雪人, 真唔知幾時至會融哂呢?

溫馨提示: 因為山形縣啲水特別清甜, 所以做出嚟嘅蕎麥麵特別好食, 大家可以試試!

3.  伊根町

最近流行嘅釣魚, 而伊根町亦都係打魚為主, 一定引起咗釣魚迷嘅興趣啦! 如果大家去嗰度觀光, 可以參觀吓佢地間舟屋係喺水入邊嘅, 幾特別! 仲有,大家可以划獨木舟, 周圍探險吓。不過, 一定要食吓當地即叫即製嘅,海鮮, 嗰種滋味係喺其他地方食唔到嫁!

秋

曾爾高原

秋天除咗睇紅葉之外, 仲可以睇吓芒草, 可能唔係太多朋友悉佢, 但係鍾意影相嘅人就一定悉, 因為佢嘅金黃色, 微風下全部芒草都向著同一方向起舞咁, 真係好冶癒!

喺行到攰攰地嗰陣, 附近仲有溫泉浸吓, 一洗疲勞~

冬

1.  白川鄉

合掌村係位於白川鄉, 咁嗰度有咩咁吸引呢?因為到咗嗰度等於去咗童話村莊, 成個村莊都被層層霧氣包圍, 為村莊帶嚟更古樸嘅感覺。 到冬天時, 間間人形屋頂嘅小屋都積咗厚厚嘅雪, 好美麗嘅童話仙景。而佢嘅溫泉更列入咗世界遺產, 大家一定要睇一睇!

2. 鶴居村

大家想像吓如果喺層層嘅白雪有好多丹頂鶴飛過, 好似有點唔太真實!喺現實係可以做到嘅, 不過要去國立公園「釧路濕原國立公園」至可。嗰度除咗欣賞到丹頂鶴之外, 仲可以騎馬添!

3.   湯布院

怕行得耐嘅朋友仔可以去吓九州景點-湯布院, 沿途都有好多山林景色欣賞, 不過今次係介紹大家去浸湯, 即係風呂。點解介紹俾大家浸湯?因為旁邊有好多靚景睇, 喺邊享受湯嘅熱力之餘, 仲可以吸吸大自然嘅清新空氣!

4.  黑川溫泉

除咗湯布院之外, 熊本阿蘇嘅「黑川溫泉」都係另一溫泉聖地.不過, 佢就比較寧靜。

溫馨提示: 每一塊「入湯手形」最多可用各旅館嘅露天風呂得3次。