嘩! 暑假就嚟到啦! 我掛著嘅陽光與海灘呢? 今次介紹嘅人氣曼谷精彩三日遊, 主打係佛舍嘅導賞, 但係話明精彩之旅, 又點會咁簡單嘅?

打頭陣嘅第一日, 我地可以先到國寶級嘅景點-大皇宮。

首先, 可以去入面嘅玉佛寺, 真係好莊嚴華麗嫁, 佢最大嘅特色係用咗成塊翡翠嫁, 真係好花心機

之後, 可以睇吓世界最大嘅卧佛 “卧佛寺”, 泰文解 “菩提卧佛寺”, 現時係泰國最大面積嘅寺院。嘩! 咁大嘅佛像, 你見過未?

行到攰嘅朋友, 可以去卧佛寺後面嘅泰式按摩歇吓。正宗泰國按摩師嘅鬆一鬆, 人都精神啲啦~

唔想去按摩嘅朋友都可去對面嘅鄭王廟, 有好多舍利塔,而且佢仲髙到可以同美埃菲爾鐵塔睇齊, 所以又叫泰版埃菲爾鐵塔。

大家仲可以搭吓附近嘅水上巴士遊河添!

最後, 可以去考山路, 嗰度會有好多小食店同埋傳統特色攤擋. 大家可以喺度, 試吓特色嘅小食, 例如: 咖哩粉, 貴刁湯河, 海南雞飯, 香蕉煎餅等等

到了第二日, 我地會先到丹嫩莎朵水上市場(Damnoen Saduak Floating Market)度遊船觀光, 但係今次嘅遊船有別於一般嘅遊船, 因為主管用人手操作嘅船, 同埋可以喺船上邊買嘢, 係咪另一番風味呢!

喺船上買嘢, 係咪你嘅第一次呢?

呢度可以買唔同嘅水果, 特有嘅香料, 傳統嘅手工藝……

之後, 可以去附近嘅美功鐵道市場, 佢嗰市場係喺鐵道嘅中間, 只要一有列車經過, 市場嘅攤擋會收起哂, 當地人嘅反應真係幾快手嫁!

睇吓!其實佢地仲要收埋上面啲蓬, 真係唔太輕易嫁!

行到咁耐, 就一定要充飢啦, 咁就去吓曼谷著名嘅唐人街. 但係, 有咩咁吸引呀?除咗有啲中國式嘅燈籠之外, 其實仲有好多街頭小食嫁. 呢條街已經係全曼谷最古老嘅, 好有歷史嫁!

咁美味嘅海鮮, 大家係咪口水都流緊呢!

其實, 大家只要行到街尾, 就會見到一座金璧輝煌嘅寺院.

曼谷三大之一,金佛寺

大家可以去參觀吓雕刻精巧嘅巨佛!

洗滌完心靈之後, 可以行吓浪漫嘅行夜市ASIATIQUE THE RIVERFRONT. 佢係一個碼頭嚟, 鍾意復古 (=vintage)嘅朋友會幾開心, 因為呢度啲建築設計比較仿古風. 仲有呢度啲有好多泰國特色手信賣添wo!唔想行街嘅朋友可以搭吓摩天輪, 超幸福浪漫咁睇夜景

到咗Last Day, 嚟到泰國, 一定要去拜吓四面佛, 意思係: 平安, 事業, 爰情同財富. 大家只需帶花同蠟燭, 走順時針嘅方向, 每拜一面, 放低花, 最後聖水點吓額頭就可以.

如果唔想拜吓四面佛嘅朋友亦都可以由四面佛穿過天橋, 逛吓中央世界商業中心(=Central World), 呢度真係好大好多嘢行嫁, 最緊要係有曼谷包賣, 唔洗再周街搵!

話你知一個小貼士:

**只要買夠2000泰銖就可退稅

行程嘅最後一站可以去札都甲週末市集. 呢個市集供應應有盡有, 只要你唸得到嘅, 都可以喺呢度買. 行到肚餓嘅朋友, 附近都有啲小食嫁!