“間條恤衫”係好多女士衣櫃裡面一定有嘅服裝, 點樣可以善用間條恤衫, 仲可以塑造出個人風格?而今年流行番以往傳統嘅藍底白間恤衫, 大家不妨參考吓下面唔同嘅MIX & MATCH 啦:

 1.  夏天清爽LOOK:  間條恤衫X 短褲/短裙

短褲或係短裙係夏日服裝必備嘅元素, 而只要將兩旁配合得宜, 就可以形造出唔同嘅風格, 例如:  CAUSAL LOOK丶ROCK N’ROLL LOOK丶斯文大方LOOK…..

如果想玩吓一D唔同嘅潮流元素, 可以襯皮革系或者塑膠系嘅短裙, CAUSAL 之餘, 仲可以俾人一種成熟嘅女性主義LOOK, 睇落會更有自信同埋時尚嘅魅力嫁。另外, 建議可以加上一D更有個人嘅隨身單物, 例如: 太陽眼鏡或者帽子, 咁樣可以再進一步加強到整體嘅型格!

當然, 好多OL會用直接襯以短嘅西裙, 係最日常嘅做法。

其實, 可以加入一D今年流行嘅層次元素落短裙上, 就係將圍裙形嘅設計原理引入到短裙上, 其實呢種著法係喺日本幾流行嘅, 簡單加入圍裙形嘅短裙, 修長得嚟又有層次嘅設計,斯文之中又帶可以CAUSAL, 大家可以一試~

2.  秋天型人LOOK: 間條恤衫 X 外套

有時只著恤衫, 去到一D大冷氣嘅地方難免會有D涼意, 但係加一件點樣嘅外套先比較襯呢?

間條襯衣恤衫而言, 最簡單配搭其實係就是牛仔褲啦,  所以好多年輕外國女孩返學都係呢個打扮, 加咗皮革嘅JACKET褸可以保暖之餘, 又可以打破傳統嘅穿法, 自然之中又帶點COOL~

唔想太CAUSAL, 可以改穿長身中褸, 但係可以試吓將間條恤衫嘅袖位拉長過中褸, 女性美之中又帶點隨性嘅自然風格, 會唔會係你嘅心頭好呢?

再想有D創意嘅話, 其實可以直接加上牛仔褸, 再加毛織褸嘅疊著法, 因為牛仔褸同埋毛褸都係比較淨色嘅設計, 加上間條恤衫上, 會更加突顯出條恤嘅圖案。另外, 呢種海陸風嘅著法, 亦都係好多名模愛著嘅打扮。

3.  斯文知性美LOOK: 間條恤衫ONE PIECE 著

其實宜家好多間條恤衫唔單止當作上衣襯, 好多FASHION 界嘅奇才將恤衫嘅長度打長成ONE PIECE, 呢個做法好適合比較矯小身形嘅朋友。

藍底白間嘅長紋恤衫加上一頂海灘草帽, 自然得嚟又好有SUNSHINE GIRL嘅活潑, 直紋設計除咗令到睇落更加窈窕之外, 又可以令到有修長嘅感覺, 大家不妨喺夏天試試~

另外, 如果想轉吓行知性型, 大家可以揀一D過膝嘅恤衫長裙, 側面可以做一個開叉嘅設計, 增加咗女性曲線美, 塑造做更具氣質嘅貴族風格。

宜家好多長紋恤衫都只要喺中間加一個蝴蝶結嘅腰帶, 唔會帶嚟太複雜嘅感覺, 反而更加清爽迷人添~

4.  時尚型人大膽LOOK: 間條恤衫 X 間條下身

好多朋友覺得間條襯間條會唔會好花呀?  其實, 只要適當咁運用間條嘅粗細, 可以襯出唔同嘅層次美。

長幼紋間條恤衫加上一條直條嘅長褲, 本來無太大驚喜, 但係如果係粗間直條長褲, 整體層次感變得分明, 令人眼前一亮, 帶來新穎嘅時裝著法。

再想試下唔同嘅穿法, 可以效仿吓呢個Model將直紋恤衫襯橫紋裙, 縱橫交錯得嚟, 又係另一種時尚嘅型格嚟嫁~