安全配送服務
安裝CIAOGOGO App
✕
✕
安裝Ciaogogo App可獲得
 
訂單狀態
客戶服務
賺取積分
 
Apple Store
Google Play
 
請使用手機相機掃描二維碼
首頁 » 熱門話題 » 大阪必食人氣甜品: PABLOの半熟芝士撻

大阪必食人氣甜品: PABLOの半熟芝士撻

Posted by amylee_admin 2018-06-28 0 Comment(s) 飲食品味,

 

 

 

去到大阪, 點可以唔試吓紅遍世界各地嘅甜品, 佢地嘅分店已經遍佈喺台灣丶新加坡, 甚至加拿大, 講嘅就係Pablo半熟芝士撻。要品嚐正宗嘅芝士撻, 一定要嚟到Pablo試吓點解佢地嘅芝士撻咁吸引, 皆因佢地會根據客人嘅口味, 分咗唔同嘅熟成程度, 有3成同5成嫁。

 

 

 

除咗貼心服務之外, 就係味道啦。好多人一提到芝士撻, 只會覺得膩丶肥同甜, 但係Pablo嘅半熟芝士撻採用咗上等嘅生地丶奶油丶芝士…..再加上嚴格咁控制糖分, 製造出嚟嘅芝士撻猶如雪糕嘅細滑口感, 芝士味香濃可口, 嗰種滋味再蔓延喺口中,而甜度適中, 令人一試難忘!

 

 

 

呢一款就係人氣NO.1同揚威海外嘅半熟芝士撻, 外面用焦糖輕輕咁烤焗, 造成黃金色嘅表層, 而內裡則用咗兩款芝士製作而成。一口芝士撻, 兩種唔同嘅細膩口感, 滋味無窮。

 

 

 

 

糕點師全神貫注嘅用心製作, 無論係倒模丶搽上蛋醬, 每一個芝士撻都係糕點師對客人嘅一份心意嫁~

 

 

 

 

 

點解要特地嚟到日本分店食Pablo半熟芝士撻呢?因為日本分店有一D期限推出嘅新品, 例如:清新宜人嘅蘋果口味丶沖繩嘅紅薯味…….但係要喺指定嘅分店同時間至可以遇到~

 

 

為咗迎接炎炎夏日, Pablo將喺7月推出呢款芒果MIX 石榴嘅清新口味, 大家不妨試試~

 

 

 

 

有D朋友擔心Pablo芝士撻咁大個食唔哂呀?  所以, Pablo亦都推出咗迷你版嘅芝士撻, 有傳統嘅朱古力味丶士多啤梨味丶綠茶味之外, 仲有一D限定嘅檸檬味, 果仁味丶紫薯味…..樣子小巧精緻, 啱哂一口份就能夠享受Pablo嘅半熟芝士撻, 又可以唔洗擔心卡路里啦~

 

 

 

 

Pablo除咗出名芝士撻之外, 其實仲有另一樣值得推介嘅甜品, 就係芝士布丁啦。牛奶布丁大家可能試過, 但係芝士布丁呢?沿用番製作芝士撻嘅細膩芝士, 製作出另一種更誘人嘅芝士布丁, 真係令人食指大動, 而宇治綠茶味嘅芝士布丁同樣都係人氣之選!

 

 

 

 

大家唔洗擔心要花時間搵Pablo, 佢地嘅分店除咗喺大阪有之外, 仲設有梅田丶心齋橋等等……全部都係地鐵或者JR附近嘅, 方便大家嫁~

 

 

 

 

 

 

 

keywords：iPhone手機殼香港 iPhone手機殼香港 wireless charging phone case for iphone wireless charging phone case for iphone