安全配送服務
安裝CIAOGOGO App
✕
✕
安裝Ciaogogo App可獲得
 
訂單狀態
客戶服務
賺取積分
 
Apple Store
Google Play
 
請使用手機相機掃描二維碼
首頁 » 熱門話題 » 夏日狂歡の第7擊: 北海道

夏日狂歡の第7擊: 北海道

Posted by amylee_admin 2018-06-14 0 Comment(s) 旅行休閑,

 

 

睇咗一輪煙花之後, 係咪又想運動吓?  之前已經同大家去北海道睇花啦, 今次介紹一D大人細路都玩得開心嘅夏日狂歡:

 

1.  旭山夜間動物園

 

日日都汗接汗, 不如大家夜晚至出動, 講嘅就係" 旭山夜間動物園"啦, 佢係夏季先有嫁。大家可能擔心夜晚去到動物園, 佢地會唔會瞓哂覺嫁?其實, 大家係可以有機會目睹到夜晚動物嘅生活習慣丶覓食......例如:  游水嘅河馬丶精神奕奕嘅熊仔丶甚至活潑好動嘅企鵝......而且, 最緊要係影相或者行動物園時唔洗流咁多汗, 係咪好貼心嘅服務呢?

 

 

 

 

溫馨提示:  夜晚仲有觀螢火蟲嘅活動嫁, 因為園中有成800幾隻螢火蟲, 大家不妨大開眼界去睇睇咁靚嘅自然生態~

 

 

2.  釧路霧節

 

雖然北海道係以白雪為賣點, 但係原來夏日都有其他show睇。北海道中嘅釧路因為濕度比較高, 所以好易會有霧。而北海道人將霧氣同激光嘅美學融合, 再加上音樂嘅伴奏, 令到北海道成為咗熱點, 真係好厲害!

 

 

呢個釧路霧剛好利用咗霧層嘅變化, 形成咗旋渦嘅立體設計, 好有都市嘅時尚美~

 

 

而呢個設計就用咗唔同色光嘅投射, 製造出夢幻嘅變化。

 

3. 札幌啤酒節

 

 

嚟到札幌, 一定要"啤"一"啤"。愛酒嘅朋友一定唔可以錯過今次嘅啤酒節, 可以喺炎炎夏日歎一口清涼解暑嘅啤酒, 真係一件賞心樂事! 每年嘅札幌啤酒節都會喺市中心嘅公園裡面舉行盛大嘅啤酒節, 提供美酒佳餚俾大家品嚐嫁~除咗美酒之外, 仲有朋友仔跳埋盆舞助興, 真係好熱鬧!

 

 

呢度D啤酒嚟自世界各地嫁, 睇住一柸柸滿滿嘅啤酒, 咩暑都消哂啦~

 

 

嘩!咁高到成呎嘅啤酒, 大家又見過未? 大家不妨參加吓~

 

 

 

4. 索朗祭

 

索朗祭係北海道嘅一種傳統舞蹈, 主要係表達以前有魚獲豐收嘅喜悅舞, 所以舞蹈動作方面會有屈膝同彎腰, 再配合北海道嘅樂器"鳴子"敲打出嘅民謠就可以。每年參加嘅人數過千嫁, 點解?因為會有比賽, 但係唔太限制大家嘅服飾丶舞蹈動作......大家可以發揮自己嘅創意~

 

 

嘩!大家真係用盡全力, 一行行咁嘅整齊隊形, 真係好有夏日嘅朝氣呀!

 

 

 

 

 

 

 

 

 

 

 

 

keywords：iPhone手機殼香港 iPhone手機殼香港 wireless charging phone case for iphone wireless charging phone case for iphone