關西之旅大家係咪覺得好好玩呢?  呢次嘅目的地係喺日本嘅中部, 雖然今次無介紹跳舞, 但係大家唔洗擔心, 會教大家點樣盡玩日本中部~

1.  伊豆嘅Granpal Amusement公園

日本夏天會有好多點燈嘅活動, 其實喺伊豆Granpal Amusement公園, 最近都建有一個大型嘅由好多唔同顏色LED 燈設計而成嘅夢幻國度,全遍星海咁, 真係好美呀~

Granpal Amusement公園除咗有大型嘅燈飾DISPLAY 之外, 就連柵欄都係用LED燈圍住, 真係好費心機嫁~

由高空望落嚟嘅燈海, 閃閃發亮, 而且燈與燈之間嘅設計空間, 營造咗好似置身喺花田嘅感覺呢~

Granpal Amusement公園唔單止係賞燈嘅好地方, 仲係一個遊樂場, 大家可以玩好多刺激嘅遊戲嫁, 例如:  高空滑索丶斜坡滑車......應有盡有。

2.  大阪嘅鴨子船

如果覺得Granpal Amusement公園未能夠滿足大家嘅刺激, 可以搭吓大阪嘅鴨子船。佢係一個水陸兩用嘅車, 主要係同大家遊覽吓陸上嘅景點丶地標之餘, 仲搖身一變, 成為一隻船嫁。大家要有心理準備, 當大家由陸上沖入海時, 船速幾快, 同埋小心會濕身!

人咗海入面, 又變成觀光船前進, 真係好適合一家大細嚟一齊玩吓。最緊要係喺咁高溫下, 迎面吹嚟冰涼嘅海風, 好舒服呀~

3.  三重縣嘅海女祭

去到日本嘅夏天, 就一定要參加日本嘅祭典, 今次我會介紹一D比較特別嘅祭典, 就係海女祭啦~近呢幾年, 大家會聽海女多咗, 因為有日劇嘅"小海女"。 三重縣因為近海, 所以有好多海女出沒, 佢地只係靠一雙手已經可以潛到10米深嘅海床捕獲海鮮, 例如: 魚丶海膽丶鮑魚.......為咗感謝每年都有豐富嘅魚獲, 所以有"海女祭"啦~舉行海女祭時係唔會有捕獲行動嚟表示對上天同大海嘅敬意。

而佢地每次出海都能夠平安回來, 是因為有神社嘅祝福, 所以佢地會捕少一D海鮮嚟供奉神明。

嘩~真佩服佢地嘅體力同魄力, 能夠徒手捕獲咁多嘅海產!

4.   靜岡嘅七夕祭

7月係一個七夕祭, 靜岡會有大型嘅竹子比賽。咩嚟嫁?  其實, 靜岡係有好多竹林, 以前會用竹嚟製成好多物品, 為咗令到下一代都能夠保留製竹嘅傳統技術, 所以每年都會有竹製品嘅比賽。大家見到神社門口都有好多五顏六色嘅竹製品, 係咪好靚呢?

喺商店街都唔難發現有好多色彩奪目嘅竹製品喺頭上飄揚住~

連小丸子同花輪同學都走埋出嚟同大家一齊高興, 又點少得你嘅參加呀!