之前同大家去咗沖繩度又跳舞又龍舟咁, 夏日狂歡一浪接一浪, 又點會俾佢咁易停呢?  今次同大家返番去關西啦, 唔係同大家去大阪, 而係去其他新熱點~

1.  納涼床

炎炎夏日, 除咗大家可以食冰之外, 嚟到日本, 一定要去吓食"納涼床"啦。佢係起源於明治時期, 建立咗好多高台喺河邊, 而嗰D高台就係餐廳嚟嫁, 林林總總咁, 例如:  懷石料理丶豆腐料理丶鄉土料理丶鰻魚料理等等, 係日本人夏天必食嘅料理。河旁吹過嘅陣陣涼風, 約埋三五知己一邊欣賞河江美景, 一邊閒聊乘涼, 真係好寫意, 大家不妨試試~

2.  地主神社

就嚟到7月啦, 又快到七姐節, 即係"七夕祭"。每逢呢個節日, 好多日本嘅少女都會去地主神社度拜祭。而地主神社其實係締結良緣嘅神社嚟, 可以幫單身一族造就戀愛,所以吸引好多海外嘅遊客去嗰度嫁~

呢張係一張神社提供嘅紙, 只要喺上面寫上自己個名同心儀對象嘅名, 可以再加一D對心儀對象嘅要求, 再掛上樹上就可以啦~

除咗寫祈求紙之外, 大家仲可以玩吓占卜石。地主神社嘅占卜石有2塊, 只要閉住眼能夠順利由一邊走到另一邊嘅占卜石, 表示你嘅戀愛能夠進展良好~

3.  六甲山

六甲山雖然以夜景為名, 但係今次會同大家去日本嘅音樂小鎮, 八音盒博物館。喺嗰度你會可以見到唔同年代嘅歐美音樂盒, 仲有機會親身製作埋, 係咪好吸引呢?

呢款管風琴嘅音樂盒真係好大型, 但仍然可以保留咁新穎同古典, 真係好佩服!

當然亦都有D小巧同精緻嘅陶瓷音樂盒~

八音盒博物館最大嘅特色係可以自己製作自己獨家嘅音樂盒, 丶由選裝飾丶音樂盒嘅形狀丶大細, 甚至歌曲都由自己一手包辨嫁, 快D同你嘅閏蜜一齊嚟製作啦~

提起六甲山, 點能夠唔提高山植物園?  高山植物園擁有嘅花種成1300幾種, 宜家正係紅花百里香丶荷包牡丹丶錦帶花......盛開嘅時期, 大家真係要去吓大開眼界。

我地平日成日用嚟調味嘅百里香, 原來都有紅色嫁~ 

呢個好似鐘形嘅花叫做荷包牡丹, 適合生長喺一D高地, 正如六甲山咁~

呢個粉紅色嘅錦帶花好小巧同可愛呀~

4.  紀州梅干館

最後, 夏天少不了就係酒。想飲得健康D, 不妨飲吓梅酒~日本最著名嘅梅酒地方就係和歌山, 皆因佢亦都係產梅量比較豐富嘅地方。最後一站就係紀州梅干館, 佢係一個釀酒工廠, 我地可以參觀佢嘅製作過程之餘, 仲可以自己製作埋一份嫁~另外, 我地亦可以自己製埋梅干添。

其實, 梅酒對身體幾好嫁, 可以養顏同去除疲勞, 大家可以買D返去做手信嫁~