上回同大家去完九州, 今次就帶大家去一個島, 就係沖繩啦~夏日炎炎, 點可以唔嚟呢度呢?  嚟到沖繩唔會只游水咁普通, 會同大家做咩?

1. EISA太鼓舞

有朋友覺得上次介紹嘅四國之旅跳嘅舞未足夠, 今次再介紹吓沖繩特有嘅太鼓舞, 又名"EISA"。大家都知道日本人應該係有原因至跳舞嘅, 咁今次係咩原因呢?  沖繩係一個環海嘅島嶼, 所以農民都以捕魚為生, 因此大家嘅平安變得好緊要, 而當地人希望透過跳 強勁嘅EISA舞同埋傳統樂器太鼓嘅回響聲, 幫助家人可以平安返嚟同國家繁榮穩定。

沖繩嘅朋友仔咁手舞足蹈齊心落力咁演出喺大熱天時嘅街道上, 真厲害!

2.  那壩龍舟賽

到咗5月, 我地為咗紀念屈原而舉行龍舟節,而沖繩都一樣, 但係佢嘅意義同我地有D 分別啦~沖繩人每年都有豐富嘅收成, 為了表示對海洋嘅感激之情同埋祈求可以家人平安歸嚟, 都會有划龍舟嘅盛典。而佢地會著咗唔同嘅沖繩古服, 隨住打鼓聲嘅指揮, 互相咁協調令到龍舟快速前進, 真係好振興人心呢~

嘩!個個選手都拚盡全力咁前進...前進......

到咗龍舟賽中場會有鴨子比賽, 即係會放好多鴨子喺海上, 要人去捕獲, 所有人都可以參加嫁, 大家可以試玩吓~

3.  Cold Fest 

喺勞動完一段時間後, 大家係咪覺得好熱呢? 唔緊要, 同大家去吓沖繩嘅Cold Fest, 去過吓冷河~ 除咗著名嘅龍舟賽之外, 其實仲有可以食凍嘢嘅節日, 就係Cold Fest 啦~沖繩嘅水果亦十分豐富, 所以我地可以食吓由當地嘅水果製成嘅水果冰, 又或者綠茶紅豆冰......塊塊冰塊再伴隨住唔同嘅水果口味, 真係為呢個盛夏消咗唔少暑!喺Cold Fest, 我地仲可以去欣賞當地嘅唱舞表演嫁~

而鍾意飲啤酒嘅朋友都可以試吓沖繩嘅啤酒, 都係由黑糖製成~

4.  浪漫星空

勞動完一日之後, 不妨去吓石垣島度睇吓美麗嘅星空。其實, 周圍都可以睇星星, 點解一定要嚟石垣島呀?  因為佢嘅光線唔太猛, 所以睇星星會比起其他地方更加清楚。另外, 就係因為有84個星座守護住, 所以佢嘅星空已經得到國際認可嘅讚美, 快D同閨蜜一齊嚟啦~

另外, 喺石垣海灣附近嘅南ぬ浜町緑地公園會有觀星活動, 例如:  講座丶歌唱.....大家又或者可以直接喺草地上欣賞咁迷人嘅銀河星空~