安全配送服務
安裝CIAOGOGO App
✕
✕
安裝Ciaogogo App可獲得
 
訂單狀態
客戶服務
賺取積分
 
Apple Store
Google Play
 
請使用手機相機掃描二維碼
首頁 » 熱門話題 » 通宵睇世界杯疲勞消耗法

通宵睇世界杯疲勞消耗法

Posted by amylee_admin 2018-05-31 0 Comment(s) 健康美容,

 

 

就嚟到啦~一年一度嘅世界杯又開鑼啦, 唔知大家支持邊隊呢? 雖然好興奮雀躍, 能夠一暏球星嘅風采, 但係要長期熬夜作戰, 有無一D方法可以提提神呀?當然有啦, 大家可以參考吓:

 

 

1.  按摩

 

大家要聚精會神咁睇足全場, 有時仲要踢埋加時同12碼定生死添, 如果保持住同一坐姿, 好易會疲勞嫁。所以, 建議大家喺賽前可以按吓摩, 鬆弛吓神經, 咁樣睇波都無咁攰嫁~仲有WO, 有時太遲瞓, 皮膚都無咁靚, 可能因為淋巴循環弱咗, 大家如果按摩埋淋巴位置, 就可以加快新陳代謝, 皮膚都無咁差~

 

 

 

 

大家可以跟住上面個圖嚟按吓淋巴嫁~

 

2.  食D護眼嘅食物

 

 

眼睛係大家嘅靈魂之窗, 正如剛才提到因為用咗好多精神嚟追住個波嚟睇, 好容易令到眼部乾澀, 甚至出現紅筋添, 為咗提高大家眼力, 不妨食D Vitamin A 嘅食物, 保護眼睛一流, 譬如:  橙丶紅菜頭丶紅蘿蔔丶藍莓等等......即使幾深夜嘅球賽, 都唔洗嚇近視加深啦~

 

 

溫馨提示:  護眼食品固然重要, 但係都有一D懶人嘅做法, 就係敷吓面膜, 不過係眼膜, 可以透過熱力, 令眼睛嘅疲勞減到最低~

 

 

 

 

3.  飲茶代替咖啡

 

 

大家一定知道咖啡可以提神, 但係晚上飲得太多咖啡可能瞓唔着或者傷肝, 咁不如大家轉飲提神茶, 因為茶嘅咖啡因會比起咖啡嘅低, 無咁易傷肝。例如:  鐵觀音可以幫大家提神同埋消疲勞, 而花旗參茶除咗可以令到個人無咁攰之外, 仲可以減低因熬夜而肝溫上升。另外, 菊花茶都可以護眼嫁, 俾你可以睇清楚世界級嘅球技同埋時刻都保持精神狀態~

 

 

 

 

 

4.  帶氧運動

 

 

人一過晚上12點後就係肝排毒嘅時間, 血糖會下降, 人會變得好易攰, 所以喺呢個時候可以做一D簡單嘅運動, 促進腦嘅氧運行, 人就會變得精神D嫁~例如: 每30分鐘做一次深呼吸丶提膝踏步丶開合腳咁跳......可以一邊睇波一邊做嫁~

 

 

 

 

 

 

 

 

 

 


 

 

 

 

 

 

keywords：iPhone手機殼香港 iPhone手機殼香港 wireless charging phone case for iphone wireless charging phone case for iphone